İzahlı lüğət

HÜNDÜR sif. 1. Uca, yüksək. Hündür divar. Hündür dağ. Hündür boy. - Çay hündür və yaşıl təpələrin arasilə axıb gedir. M.İbrahimov. Iri, qol-budaqlı, hündür tut ağacının altında manqal qoyulmuşdu. İ.Hüseynov. Ucaboy(lu), hündürboy(lu). Hündür kişi. [Camal] atası kimi hündür, enlikürək bir oğlandı. S.Vəliyev. Əlləzoğlu cırtdan gövdəsini çəkib, bu iri, qol-budaqlı, hündür adamın [Səmədin] qarşısında özünü yığışdırdı. İ.Hüseynov. Müqayisədə işlənir. Bu bina o binadan hündürdür. Ev həyətin divarından hündürdür. - O, Teymurdan bir daban hündürdü. M.Hüseyn. Paylaşın - Hamı bilsin Sual və cavabı bəyəndinizsə "Bəyən" və ya "Like"düyməsini tıklayın!