İzahlı lüğət

LAL-DİNMƏZ 1. zərf Səs çıxarmadan, dinmədən, danışmadan, susaraq. Lal-dinməz oturmaq. - Səlimnaz lal-dinməz dayanıb, bütün bədəni ilə qapını tutmuşdu. M.Hüseyn. Bir ara lal-dinməz hamı onun dalınca baxdı. Ə.Əbülhəsən. // Sözsüz, danışıqsız, qeydşərtsiz. Lal-dinməz əmri yerinə yetirdi. [Nigar Muradın] hər əmrinə lal-dinməz tabe idisə də, üzü heç gülmürdü. S.Hüseyn. 2. sif Azdanışan, danışmağı sevməyən, çox zaman dinməz, sakit oturan. İndi onlar həmişəki kimi müti və lal-dinməz adamlar deyildir. P.Makulu. Paylaşın - Hamı bilsin Sual və cavabı bəyəndinizsə "Bəyən" və ya "Like"düyməsini tıklayın!