İzahlı lüğət

SƏRİNLƏTMƏK f . 1. Sərin etmək, sərinləşdirmək. Yağış havanı sərinlətdi. - [Ağaclar] qəsrin alçaq hasarının dibində bitdikləri üçün qəsrin həyətini sərinlətmək vəzifəsini bitirirdi. M.S.Ordubadi. Təmiz hava yataq otağına dolub qızı sərinlətdi. Ə.Vəliyev. məc. Təskin etmək, təskinlik vermək, təsəlli verərək fərəhləndirmək. Sərinlətdin baxışınla könlümü; Buludların uçuşundan yarandın. Ə.Cavad. Vaxtsız qovlamayın siz məhəbbəti; Ürək sərinlədir eşqin şərbəti. S. Vurğun. Paylaşın - Hamı bilsin Sual və cavabı bəyəndinizsə "Bəyən" və ya "Like"düyməsini tıklayın!