İzahlı lüğət

VƏDƏXİLAF sif və zərf [ər.] Vədəsinə əməl etməyən, söz verib vaxtında yerinə yetirməyən, boynuna götürdüyü işi vaxtında görməyən. □ Vədəxilaf çıxmaq - verdiyi vədəni yerinə yetirməmək. Hər şeydən artıq onu [Nadiri] düşündürən qonaqlıq gecəsi Məstan bəygilə getməməsi deyil, Zeynəbi aldatmağı və onun qarşısında vədəxilaf çıxmağı idi. B.Talıblı. [Südabə:] Siz Firidun, vədəxilaf çıxdınız, zəng etmədiniz. M.Ibrahimov. Azərbaycanlı balası vədəxilaf çıxmaz. Ə.Əbülhəsən. Paylaşın - Hamı bilsin Sual və cavabı bəyəndinizsə "Bəyən" və ya "Like"düyməsini tıklayın!