Ən böyük çaxır qədəhi haradadır?
Nəzərə alsaq ki, biz Qafqazda yaşayırıq, şənliklərimizdə süfrədə çaxırın olması adi bir haldır. Şərabsız sağlıq demək mümkün deyil. Əlbəttə ki, bəzi insanlar bunu düz saymır, amma hər insanın şəxsi fikri var. İnsanın təbiətindən asılı olaraq, onun alkoqol qəbul etmə "norması" var. Amma bir qədəh şərab insanı o qədər sərxoş etməz, əgər ki, şərab içdiyiniz qədəh aşağıda bəhs edilən deyil.
Dünyada ən böyük şərab qədəhi Livanın paytaxtında, Beyrutda nümayiş etdirilmişdir. Bu nəhəng Ginnesin rekordlar kitabına daxil ediləcəkdir. Rekordçu qədəhin hündürlüyü 2,4 m təşkil edir. Ən yüksək hissədə diametri 1,6 m-dir. Qədəhin tutumu təxminən yüz yerli şərab butulkasının tutumuna bərabərdir.
Bundan əvvəl olan rekord Portuqaliyada 12 il əvvəl istehsal edilmiş qədəh idi. Onun hündürlüyü 1,51 m təşkil edirdi.
Buna şərab qədəhi yox, şərab sisterni demək olar.
