“Facebook” hesabınız niyə hər an bağlana bilər?
“Facebook” sosial şəbəkəsinin istifadəçiləri son günlərdə bəzi problemlərlə üzləşiblər.Bizimyol.infoxarici mətbuata istinadən xəbər verir ki, saxta adlarla profil açan və paylaşım etməyən şəxslərin hesabları bağlana bilər. Artıq bir neçə gündür ki,“Facebook” sosial şəbəkəsi, istifadəçilərdən qeydiyyatdan keçdiyi zaman yazdığı doğum günü tarixini təkrar olaraq soruşur. Doğum tarixindən əlavə dostluq siyahısında olan şəxslərin şəkillərini tanımağınız da tələb oluna bilər.
Bu hallarla qarşılaşdıqda doğum tarixini düzgün yazsanız hesabınızı bərpa etmək mümkün olacaq. Tarixlər yanlış yazıldıqda isə hesab kilidlənir. Kilidlənmiş hesabı açmaq üçün "Facebook"-a şəxsiyyət vəsiqənizin şəklini göndərmək lazımdır."Facebook" kimliyinizin doğruluğuna inandıqdan sonra hesabınızı yenidən bərpa edəcək.
