Korlar üçün ultrasəs əlcək nədir?

• 11.10.2011
• İxtiralar

İnsan üçün ən böyük fəlakətlərdən biri görmə qabiliyyətinin itirilməsidir. Kor insanlar bütün var-dövlətindən belə imtina etməyə razıdır ki, yenidən gün işığını görsün. Amma bununla belə, onlar arzulayırlar ki, heç olmasa ətrafdakı əşyaları hiss edə bilsinlər. İxtiraçıların bu insanlara bir müjdəsi var...

Physorg-un verdiyi məlumata görə, ələ geyindirilən qurğu korlara nəinki vaxtında maneələri aşkar etməyə, hətta əşyaların formasını müəyyən etməyə imkan verir. Tacit adlı model barmaq oynaqlarının üstündə bərkidilmiş ultrasəs sensorlarla təchiz edilmişdir. Onlar 3 metr məsafədə olan əşyaları skan edə bilir. İstifadəçi irəlidə mövcud olan əşyaların haqqında qurğu tərəfindən biləyinə edilən təzyiqdən təyin edir. Əgər maneə solda olarsa, təzyiq sol biləyə təsir edəcək və ya əksinə.

İstehsalçıların sözlərinə görə, lazerlər böyük dəqiqliyi təmin edir, ancaq onların istifadəsi qurğunu daha da bahalı edir. Hal-hazırda qurğunun prototipinin dəyəri 65 dollardır.
Yəqin ki, kor insanlar qulluq edən insanlardan asılılığı azaltmaq üçün 65 dollar tapmağa çalışacaq.

• Paylaşmağı unutma