London olimpiadasının medalları necə olacaq?
İdman yarışlarının ən yüksək pilləsi sayılan növbəti olimpiada 2012-ci ildə Londonda keçiriləcək. Terlegraph yazdığına görə, İngiltərənin olimpiya komitəsi qaliblərə təqdim ediləcək medalların ilk nümunələrini nümayiş edib. Bunların sayı 2100 ədəd olacaq.
Medallar dizayneri Britaniyalı rəssam Devid Uotkinsondur. Medalın üzərində Parfenondan enən yunan qələbə ilahəsi Nika təsvir edilib. Əks tərəfində isə Temza çayının təsvirini görmək olar.
Sikkələr Pekin Olimpiadasının medallarıyla müqayisədə daha böyük və daha qalın olacaq. Yeni medalların çəkisi 375-400 q olmaqla ən ağır olimpiya medalı olacaq. Müqayisə üçün onu da deyək ki, Pekindəki medalların çəkisi 200 q qədər, 1992-ci ildə Barselonada olanlar isə 231 q idi. Medalların diametri 85 millimetr, qalınlıq isə 7 millimetr təşkil edəcək.
