Naxçıvanda super bir yenilik
Muxtar Respublikada Günəş elektirik stansiyasının qurulması nəzərdə tutulub.
Naxçıvanda günəşli günlərin sayı il ərzində bəzən 250, bəzən hətta 300 günədək ola bilir. Naxçıvan Muxtar Respublikasının təbii iqlim şəraiti günəş enerjisindən istifadə etməklə elektrik və istilik enerjisinin əldə olunması üçün olduqca geniş imkanlara malikdir. Bu səbəbdən Muxtar Respublikada Günəş batareyalarından istifadə etmək olar.
Bugünlərdə Belçikanın “Soltech” şirkətinin nümayəndələri Naxçıvan Muxtar Respublikasında səfərdə olub. Qonaqlar Naxçıvanda Günəş elektirik stansiyasının qurulması ilə bağlı müzakirələr aparıblar. “Soltech” şirkətinin nümayəndələri Günəş elektirik stansiyasının qurulması üçün nəzərdə tutulan əraziyə baxıb və Naxçıvanda olan Modul Elektirik stansiyası ilə də tanış olublar.
