Qədim sürünənlərin 185 milyon illik hakimiyyətinin səbəbi nə idi?

18.06.2010
Tarixin sirri

Biologiyadan bizlərə məlumdur ki, sürünənlər soyuqqanlı canlılardır. Əlbəttə ki, qədir sürünənlərində soyuqqanlı olmaları məntiqə uyğun olaraq eyni qəbul edilir. Qədim heyvanların dişlərinin emalının tərkibində olan oksigenin müxtəlif izotoplarının miqdarından asılı olaraq onların istiqanlı və ya soyuqqanlı olduqlarını müəyyən etmək mümkündür.

Kristof Lekyer (Christophe Lécuyer) və onun Lionda yerləşən Klod Bernar universitetindən olan həmkarları birlikdə aşkar etmişlər ki, bəzi suda yaşayan sürünənlərin bədəninin istiliyi yaşadığı suyun istiliyindən 20°C çox olub.
Bu qənaətə onlar ixtiozavr, pleziozavr və mozazavrların sümüklərini analiz edərək gəlmişlər. Belə demək olar ki, bu qədim sürünənlərin bədənlərində metabolik proseslər tez getdiyinə görə, indiki sürünənlərdən fərqli olaraq böyük dərinliklərə enə bilir, böyük məsafələrə miqrasiya edə bilirdilər.
Alimlər təxmin edirlər ki, bu sürünənlər bədənlərinin hərarətini daxili bir proses ilə tənzimləyirdilər və istiliyin daxildə qalmasına isə qalın piy qatı yardım edirdi. Yəqin ki, bu xüsusiyyət onlara 185 milyon il okeanlarda hakimlik etməyə yardım edib.