Sony ilk rəqəmli binoklu yaratdı
Sony şirkəti ilk rəqəmli binoklu buraxıb. Alıcılara iki model təqdim edilib: DEV-3 və DEV-5. Digərlərindən fərqli olaraq, bu model nəinki baxılan obyektin görünüşünü dayandıra bilir (pauza etmək), hətta baxılmış görüntüləri video fayl kimi yazaraq, onu əksinə fırlatmağa qadirdir.
DEV-5 modeli GPS qəbuledici ilə təchiz edildiyinə görə, baxılmış və ya yazılmış videolarda koordinatları da göstərmək və qeyd etmək olar. İstifadəçilər video görüntüləri Full HD formatında və stereo səslə yaza biləcəklər. Yazılanları sonra 3D formatda baxmaq mümkündür. Yeni binokllarda 10x optik və 20x rəqəmli yaxınlaşdırıcılar yerləşdirilib. Çəkilmiş şəkillərin daha dəqiq olması üçün, bu modellər Optical SteadyShot şəkil sabitləşdirici sistemi tətbiq edilmişdir. Binoklları HDMI interfeysini dəstəkləyən televizora da qoşmaq olar.
Sony DEV-3 və DEV-5 binoklları noyabr ayında müvafiq olaraq 1,4 min və 2 min dollar dəyərində satışa çıxarılacağı nəzərdə tutulub.
