Azərbaycan Atabəylərinin dövlət aparatında 1-ci şəxs atabəy,2-ci şəxs isə vəzir idi.Bütün bürokratik aparatın rəhbəri sayılan vəzir dövlət başçısının 1-ci müşaviri idi.O,yalnız hökmdar qarşısında məsuliyyət daşıyırdı.Divanxana işçilərinin başçısı olan vəzir məmurları vəzifəyə təyin etmək və vəzifədən kənarlaşdırmaq,təqaüdləri və məvacibləri müəyyənləşdirmək,vergi idarəsinə və xəzinəyə nəzarət etmək hüquqlarına malik idi.Vəzir daim öz hökmdarının yanında olur,onu səfər və yürüşlərdə müşayiət edir,özü qoşun göndərə və ona başçılıq edə bilərdi.Dövlətdə böyük hörmətə malik olan vəzirlər vəzir,sadr,dəstur,xocayi-bozarq titullarını daşıyırdılar;mürəkkəbqabı(dəvat) və müəyyən mahuddan hazırlanmış çalma onların vəzifə əlamətləri idi.