Musa Qasımlı: Bu Sərəncam ümumtəhsil məktəblərində sağlam rəqabət mühitini genişləndirəcək
Prezident İlham Əliyevin ölkəmizdə dövlət büdcəsindən maliyyələşən ümumtəhsil məktəblərində çalışan və diaqnostik qiymətləndirmədən keçmiş müəllimlərin, məktəb direktorlarının, direktor müavinlərinin, eyni zamanda, hərbi hazırlıq müəllimlərinin maaşlarının 10 faiz artırılması barədə Sərəncam imzalaması böyük əhəmiyyət daşıyır.
BunuAZƏRTAC-a açıqlamasında Milli Məclisin deputatı Musa Qasımlı deyib. Onun sözlərinə görə, bu Sərəncam dövlətin təhsil işçilərinə, müəllimlərə qayğısını təzahür etdirir: “Bir daha sübut edir ki, dövlətimiz daim müəllimlərin, təhsil işçilərinin qayğısına qalır. Sərəncam ümumtəhsil məktəblərində sağlam rəqabət mühitini genişləndirəcək, diaqnostik qiymətləndirmədən keçməyə çalışan müəllimlərin sayı çoxalacaq. Beləliklə, onların da maaşları artacaq. Biz bu gün bir millət olaraq nəyə nail olmuşuqsa, müəllimlərimizə və təhsilimizə borcluyuq. Təhsil bizim millətimizin gələcəyidir. Ona görə də Prezident İlham Əliyevin bu Sərəncamını mən yüksək qiymətləndirirəm”.
