"Qalib ölkənin qalibləri-2022” adlı istedadlı uşaqların mükafatlandırma mərasimi keçirilib
"Qalib Ölkənin qalibləri-2022” adlı istedadlı uşaqların mükafatlandırma mərasimi keçirilib.
"Report"xəbər verir ki, Ailə, Qadın və Uşaq Problemləri üzrə Dövlət Komitəsinin təşkilatçılığı keçirilən tədbirdə 70 uşaq iştirak edib.
Dövlət Komitəsinin sədri Bahar Muradova bildirib ki, məqsəd istedadlı uşaqların cəmiyyətə təqdim olunmasıdır: "Mükafatlandırma tədbiri bundan sonrakı illərdə də davam edəcək və hər ilin yekununda uğur qazanmış gənclər ictimaiyyətə tanıdılacaq".
Sonda elm, təhsil, mədəniyyət və idman sahəsində il ərzində Azərbaycanı beynəlxalq olimpiada və yarışlarda təmsil edərək qalib olmuş, eləcə də uşaq iştirakçılığı sahəsində fəallığı ilə seçilən uşaqlar təltif edilib.
