Təhsil almaq üçün xaricə tələbələr göndəriləcəkmi?
“Xaricdə təhsil alan məzun kimi deyə bilərəm ki, bu proqramın icrası bir çox azərbaycanlı gəncin həyatını yaxşı mənada dəyişib”.
“Report” xəbər verir ki, bunu təhsil naziri Emin Əmrullayev Prezident İlham Əliyevin “Azərbaycan gənclərinin nüfuzlu xarici ali təhsil müəssisələrində təhsil imkanlarının genişləndirilməsi haqqında” imzaladığı sərəncamla bağlı danışarkən deyib.
Nazir bildirib ki, sərəncama əsasən, iki ay ərzində proqramın hazırlanması tapşırılığı verilib: “Bu müddət ərzində aidiyyəti qurumlarla müzakirələr aparılacaq. Güman edirəm ki, önümüzdəki həftələrdə proqram hazırlanaraq rəhbərliyə göndəriləcək”.
O qeyd edib ki, yeni proqram müxtəlif prioritet sahələr üzrə gənclərin xarici ali təhsil müəssisələrinə göndərilməsini nəzərdə tutur: “Hər il bir neçə yüz gəncin təhsilindən danışılır. Yeni proqramda ixtisas sahəsi üzrə yüksək reytinqə sahib olan ixtisasları, proqramları müəyyən edəcəyik”.
