Xankəndidə yeni universitet açılacaq?
Ordumuzun Qarabağ iqtisadi rayonunda keçirdiyi uğurlu 19-20 sentyabr tarixli antiterror tədbirləri nəticəsində Xankəndi, Xocalı, Əsgəran, Ağdərə, Xocavənd şəhərlərinənəzarət Azərbaycanakeçib.
Ərazi bütövlüyümüz bərpa olunduqdan sonra işğaldan azad edilmiş şəhərlərdə bütün sahələr kimi, təhsildə də bağlı mühüm addımların atılması planlaşdırılır.
Artıq Azərbaycanın bir çox dövlət qurumları Xankəndi şəhərində fəaliyyətə başlayıb.
Xankəndidə yeni universitet də açıla bilərmi?
Milli Məclisin Elm və təhsil komitəsinin üzvüCeyhunMəmmədov Modern.az-a açıqlamasında belə bir universitetin yaradılmasının ölkəmiz üçün önəmli olduğunubildirib.
“Belə bir universitetin açılması çox önəmlidir. Həm Qarabağda, həm Şərqi Zəngəzurda belə universitetlərin açılmasına böyük ehtiyac var.
Bu gün biz universitetlərin daha çox Bakıdan köçürülməsi barədə düşünürük. Hesab edirəm ki, indi daha çox bölgələrdə yeni universitetlərin açılması məsələsixüsusi diqqətə alınmalıdır. Biz bölgələrdə yeni universitetlər, ali təhsil müəssisələri açmalıyıq və daha çox təşviq etməliyik ki, insanlarımız həmin universitetlərə getsinlər,orada təhsil alsınlar.
Xankəndi Universitetinin açılması həm Azərbaycan həqiqətlərinin təbliğinə, həm də erməni yalanlarının ifşasınatöhfə verə bilər. Biz bu universiteti brendləşdirərək həm də dünyaya göstərə bilərik ki, Qarabağ Azərbaycandır. Xankəndiyə də Azərbaycan nəzarət edir, bura tarixi Azərbaycan torpaqlarıdır”.
Deputat onu da deyib ki, Xankəndi Universiteti Bakıdakı universitetlərin təkrarı olmamalı, fərqli sahələr üzrə ixtisaslar təklif etməlidir:
“Tam yeni formatda tibb, mühəndislik, informasiya təhlükəsizliyi ixtisasları ola bilər. Bu gün belə ixtisaslara bizim daha çox ehtiyacımız var. Biz o istiqamətdə səylərimizi artırmalıyıq. Bu nüfuzlu universitet olmalıdır. Azərbaycan universitetləri beynəlxalq reytinqlərdə 1000-ci yerdən aşağı düşə bilməz. Bu mənada universitetin fəaliyyətinin düzgün, sağlam, normal qurulması çox önəmlidir. Biz qarşımıza qoyduğumuz hədəf və məqsədlərə ən qısa vaxtda nail ola bilərik”.
Milli Məclisin Xocalıdan olan deputatıElman MəmmədovXankəndidə təhsilin keyfiyyətinin yüksək olacağına inanır:
“İşğaldan əvvəl Xankəndidəki ali məkətəbə institut deyirdik. 1988-ci ilə qədər o institutfəaliyyət göstərirdi, orada 3 bölmə -Azərbaycan, rus, erməni bölmələri üzrə tədris edilirdi. Ondan başqa Xankəndidə orta məktəblər, peşə məktəblərivar idi.
Bundan sonraXankəndi şəhərində yaşayacaq sakinlər - Azərbaycan vətəndaşları üçün bütün şərait yaradılacaq. O cümlədən təhsil məsələsi də ən yüksək səviyyədə həll olunacaq. Azərbaycan vətəndaşları Xankəndidə açılacaq təhsil ocaqlarında oxuyacaqlar.Azərbaycana xəyanət etmiş, naxələf çıxmış erməni millətindən olanlardan da bəlkə kimlərsə Xankəndidə qalıb yaşasın. Onlar da eyni şəkildə orada təsillərini davam etdirə biləcəklər.
Amma bir vətəndaş kimi mənim arzum budurki,100-120 il bundan öncə ki kimi yenə də Xankəndidə erməni sakinolmasın. Bu baş verməsə belə,orada əhalinin əsas hissəsini azərbaycanlılar təşkil etməlidir".
