İzahlı lüğət

BAŞIDAŞLI sif və is. dan. Bədbəxt, başıbəlalı, biçarə, yazıq, məzlum (bəzən qarğış, məzəmmət yerində işlənir). Məgər gözlüyün ixtirası və onun işlədilməsi də başıdaşlı kafırlərin işi deyilmi? M.F.Axundzadə. Ay başıdaşlı kişi, dinmə, uşaqdır uşağım. M.Ə.Sabir. Bir kənddə camaat ağlaşa-ağlaşa yüzbaşının ayağına yıxılıb: “Bəs toxumluğu aparırsınız, biz başıdaşlı nə əkək?” deyirdi. Çəmənzəminli. [Arvad:] Arabaçı başıdaşlı səhər gedə bilməzdi? H.Sarabski. Paylaşın - Hamı bilsin Sual və cavabı bəyəndinizsə "Bəyən" və ya "Like"düyməsini tıklayın!