İzahlı lüğət

ÇIRT təql. Tüpürərkən çıxan səs. □ Çırt atmaq - tüpürmək, tüpürərkən çırt səsi çıxartmaq. [Qənbərqulu:] [Əsgər] uzun bir çubuq da qoyub damağına, sağa da çırt atır, sola da. B.Talıblı. [Bəy] yandan düşmüş dişinin yerindən çırt atdı və danışdı. Mir Cəlal. Çırt çubugu - tənbəki çəkmək üçün uzun çubuq, qəlyan. Rəhim bəy bunu deyərək bir dənə uzunquyruq çırt çubuğunu çıxardıb qabağına qoydu. Ə.Haqverdiyev. [Aftil:] Kəblə Fatmanisənin də çırt çubuğu elə fisıldayır ki, elə bil paroxod bacasıdır. C.Cabbarlı. Çırt tənbəkisi - çırt çubuğuna doldurmaq üçün tənbəki. [Əmrah:] Necə ola bilər ki, çırt tənbəkisi çəkə, ağzından xanıma pis iy gəlməyə?! Ə.Haqverdiyev. Paylaşın - Hamı bilsin Sual və cavabı bəyəndinizsə "Bəyən" və ya "Like"düyməsini tıklayın!