İzahlı lüğət

ƏDƏBİYYAT is. [ər.] 1. Hər hansı bir xalqın, dövrün və ya bütün bəşəriyyətin yaratdığı elmi, bədii, fəlsəfi və s. əsərlərin məcmusu. Ədəbiyyat dedikdə, yalnız bədii əsərlər deyil, həmçinin geniş mənada, bütün yazılı əsərlər nəzərdə tutulur. M.İbrahimov. Bədii əsərlərin məcmusu. Orta əsrlər Azərbaycan ədəbiyyatı. Ortaq türk ədəbiyyatı. Klassik ədəbiyyat. Müəyyən bilik sahəsinə və ya məsələyə aid çap olunmuş əsərlər. Siyasi ədəbiyyat nəşriyyatı. □□ Sandıq ədəbiyyatı dan. zar. - bu və ya başqa səbəbə görə çap edilə bilməyən yazılar. Xalq ədəbiyyatı - folklor. Xalq ədəbiyyatının həcmcə ən böyük nümunələri dastanlardır. Azərbaycanın xalq ədəbiyyatı çox zəngindir. Paylaşın - Hamı bilsin Sual və cavabı bəyəndinizsə "Bəyən" və ya "Like"düyməsini tıklayın!