İzahlı lüğət

KİŞNƏMƏK f 1. Kişnərti səsi çıxarmaq. Buralardan yüyür, tez ötüş barı; Ilxının kişnəyir ayğır atları. A.Səhhət. Kor at sahibinə yanaşıb qəmgin və titrək səslə ucadan kişnədi. M.Hüseyn. // məc. At kimi səs çıxarmaq, qaqqıldamaq. 2. məc. Uğultu səsi çıxarmaq; uğuldamaq. Göy kişnəyir. - Qum təpəsi kimi yeridikcə qar; Buludlar kişnədi, göylər ağladı. S.Vurğun. Siz yelkən açanda göylər kişnəyir; Günəş mayak olub sancılır suya. Ə.Cəmil. Paylaşın - Hamı bilsin Sual və cavabı bəyəndinizsə "Bəyən" və ya "Like"düyməsini tıklayın!