İzahlı lüğət

KÖMƏKÇİ is. 1. Bir işdə kömək edən şəxs; yardımçı. Uşaq anasının köməkçisidir. ..Mən Tehranda özümə köməkçi tapa bilərəm. M.S.Ordubadi. Müavin. Usta köməkçisi. Rejissor köməkçisi. Operator köməkçisi. - Irəvanda da deyirlər vitse-konsulun köməkçisi biletin birinə Iran rəiyyətindən düşəndə on manat alır.. C.Məmmədquluzadə. Qəbul otağında köməkçi ilə [Mollayevdən] başqa heç kim yox idi. M.Hüseyn. məc. Yardımçı, əlavə. Köməkçi sual. Köməkçi sex. □□ Köməkçi nitq hissələri qram. - əsas nitq hissələrinin xüsusiyyətlərinə malik olmayan sözlər (ədatlar, qoşmalar, bağlayıcılar, modal sözlər). Köməkçi feil qram. - leksik mənası olmayan, başqa sözlərlə birləşib mürəkkəb feil düzəldən feil (məs.: etmək, eləmək, olmaq və s.). Paylaşın - Hamı bilsin Sual və cavabı bəyəndinizsə "Bəyən" və ya "Like"düyməsini tıklayın!