İzahlı lüğət

KOMİSSİYA [lat. commissio - tapşırıq] Xüsusi bir məqsəd, ya tapşırığı yerinə yetirmək üçün hər hansı bir idarə, təşkilat yanında yaradılan orqan və bu orqanın heyəti. Seçki komissiyası. Hesablayıcı komissiya. Komissiya seçmək. - Bakıda keçən il qurulan ianə komissiyası qırx beş min manatdan ancaq iki vaqon un göndərdi Zəngəzura ki, putu iki manatdan satılsın və min manat da göndərdi Qarabağa. C.Məmmədquluzadə. Başına dönərəm o komissiyanın ki, Hacı Əliqulu ağanın adamını məktəbə götürməsin. Qantəmir. ..Komissiyanın üzvləri təəccüblə Aslana baxdılar. M.Rzaquluzadə. Xüsusi tədbirləri həyata keçirmək üçün hökumət tərəfindən yaradılan dövlət idarəsi orqanı. Dövlət dil Komissiyası. Xüsusi mükafat əvəzində görülən tapşırıq. □ Komissiyaya götürmək - müəyyən mükafat qarşılığında satmaq üçün qəbul etmək. Komissiyaya vermək - satmaq üçün vasitəçiyə vermək. Paylaşın - Hamı bilsin Sual və cavabı bəyəndinizsə "Bəyən" və ya "Like"düyməsini tıklayın!