İzahlı lüğət

MƏSLƏHƏTLƏŞMƏK f 1. Necə hərəkət etmək, bir şeyi necə görmək haqqında biri ilə məsləhət etmək, onun rəyini soruşmaq, məsləhət almaq üçün müraciət etmək. Atası ilə məsləhətləşmək. - [Mehriban] istəyirdi ki, Zeynal barəsində onunla danışıb məsləhətləşsin. S.Hüseyn. [Qarı:] Mən gözləyirəm, get məsləhətləş, iki ağıl bir ağıldan üstün olar. S.Rəhman. 2. qarş. Bir yerdə fikir mübadiləsi aparmaq, məşvərət etmək. Bir müddət keçdi, doktorlar yığışıb məsləhətləşdilər. S.Rəhimov. Serjant cəld çıxıb camaatla məsləhətləşdi və iki nəfərlə içəri girdi. H.Seyidbəyli. Paylaşın - Hamı bilsin Sual və cavabı bəyəndinizsə "Bəyən" və ya "Like"düyməsini tıklayın!