İzahlı lüğət

MİLYON [fr. million] 1. 1.000.000 sayı. // 1.000.000 miqdarında. Son dərəcə çoxlu miqdar, sayı-hesabı olmayan miqdar (bu mənada əsasən cəmdə işlənir). // Çoxlu pul, dövlət haqqında. [İbn Yəmin:] Keyfə sərf eylədim də milyonlar; Yenə dövlətcə etibarım var. H.Cavid. // Çoxlu adam, kütlə haqqında. Milyonların gücünü bir məqsədə yönəltdin; Işıq verdin gözünə, qüvvət oldun qoluna. R.Rza. Sabir təkbaşına arzularından; Yazdı milyonların dərdinə dərman! B.Vahabzadə. milyon-milyon bax milyonlarca. Sayımız ölkədə milyon-milyon. M.Müşfiq. Milyon-milyon insanların şirin dilləri; Deyir bu gün; Milyon alqış Əlcəzairə! S.Rüstəm. Paylaşın - Hamı bilsin Sual və cavabı bəyəndinizsə "Bəyən" və ya "Like"düyməsini tıklayın!