İzahlı lüğət

NİŞANLAMAQ f 1. Cizgi, nöqtə və s. vasitəsilə nişan qoymaq, başqalarından fərqləndirici işarə qoymaq. Kitabın səhifələrini nişanlamaq. Pəncərəni nişanlamaq. - Turab Rəşidi buraxıb, qızın dalınca getdi, onun girdiyi evi nişanladı. M.Hüseyn. Ad eləmək, üzük taxmaq, adaxlamaq. Üç gün sonra “getmirəm” - deyə ağladığına baxmayaraq, [Gülzarı] nişanladılar. C.Cabbarlı. Nişanaya almaq, tuşlamaq. [Dursun] ..özünü toplayıb geri dönür və ayını nişanlayıb iki qolları arasından vurur. A.Şaiq. Qabaqda, düşmənin komandanını; Xumar nişanlayıb “tökdü qanını” . S.Vurğun. Paylaşın - Hamı bilsin Sual və cavabı bəyəndinizsə "Bəyən" və ya "Like"düyməsini tıklayın!