İzahlı lüğət

QIZDIRMAQ 1. t-li. İsitmək, isti eləmək, qızğın hala gətirmək, dağ eləmək. Suyu qızdırmaq. Xörəyi qızdırmaq. Ütünü qızdırmaq. - Uşaqlar, falaqqa hazır edin; Od yandırın, şiş qızdırın. M.Ə.Sabir. Yasəmən çayın qırağında su qızdırıb paltar yuyurdu. S.S.Axundov. t-li. Öz hərarətini vermək, keçirmək, qızışmasına səbəb olmaq. İlk yazı andıran günəşin ilıq şüaları insanın canını qızdırır. M.İbrahimov. t-siz. Bədəninin hərarəti artmaq (bir xəstəlik nəticəsində). Xəstə bərk qızdırmışdır. - Bir gün Əkbər qızdırıb, yüngülcə xəstələndi. S.Rüstəm. // dan. İsitmə xəstəliyi keçirmək, isitmək. Paylaşın - Hamı bilsin Sual və cavabı bəyəndinizsə "Bəyən" və ya "Like"düyməsini tıklayın!