İzahlı lüğət

YAZDIRMAQ icb. 1. Yazmağa məcbur etmək, başqasına yazma işi gördürmək, başqası vasitəsilə yazmaq. Məktub yazdırmaq. Şagirdlərə imla yazdırmaq. - [Qurban] kisəsini çıxarıb iki şahı mollanın ovcuna sıxaraq: - Al, həmşəri! Bayramqabağı yenə məktub yazdıracağam. A.Şaiq. Qızın məktubundan qeyzlənərək; Yanıqlı bir məktub yazdırdı ona. B.Vahabzadə. □ Deyib (söyləyib) yazdırmaq - diktə etmək. Siyahıya daxil etdirmək. Könüllü yazdırmaq. Əsgərliyə yazdırmaq. Başını bağlatdırmaq. [Kərbəlayı Qubad:] Bu saat pulu ver, yoxsa gedib bu saat notariusu gətirrəm, evini yazdıraram. U.Hacıbəyov. Paylaşın - Hamı bilsin Sual və cavabı bəyəndinizsə "Bəyən" və ya "Like"düyməsini tıklayın!