Bolməyə aid atalar sözləri

Atalar sözü ID - 1211 Dəvə böyük - ot yeyər, şahin kiçik - ət yeyər.

Atalar sözü ID - 1212 Dəvə bu boynan həlbət uşaq imiş?

Atalar sözü ID - 1213 Dəvə buynuz axtarırdı, qulaqdan da oldu.

Atalar sözü ID - 1214 Dəvə dedi: "Hamamdan qalıram". Dedilər: "Görünür qıçından-paçandan".

Atalar sözü ID - 1215 Dəvə durdu, dam uçuldu.

Atalar sözü ID - 1216 Dəvə gördünmü? Qığını da görmədim.

Atalar sözü ID - 1217 Dəvə gözün yumar girər pambığa, Deyər: məni heç kim görmür.

Atalar sözü ID - 1218 Dəvə Məkkəyə getməklə hacı olmaz.

Atalar sözü ID - 1219 Dəvə nə qədər ölü ola, dərisi bir eşşəyə yükdür.

Atalar sözü ID - 1220 Dəvə nə qədər uzağa getsə, qatarını gözlər.

Atalar sözü ID - 1221 Dəvə oynayan günü qar yağar.

Atalar sözü ID - 1222 Dəvə öldü, eşşəyə zülüm oldu.

Atalar sözü ID - 1223 Dəvə ölsə, dərisi bir yükdür, toyuq ölsə, dərisi bir çəngə tükdür.

Atalar sözü ID - 1224 Dəvə öz əyrisin bilməz.

Atalar sözü ID - 1225 Dəvə tanımasa, ovsarı tanıyar.

Atalar sözü ID - 1226 Dəvə yaxını otlayıb uzağı gözlər.

Atalar sözü ID - 1227 Dəvəcə boyun olunca düyməcə ağlın olsun.

Atalar sözü ID - 1228 Dəvəçiylə dost olanın darvazası gen gərək.

Atalar sözü ID - 1229 Dəvədən bir tük qoparsan, yenə qənimətdi.

Atalar sözü ID - 1230 Dəvədən böyük fil də var.

Atalar sözü ID - 1231 Dəvədən soruşdular: boynun niyə əyridi, dedi: haram düzdü?

Atalar sözü ID - 1232 Dəvəni andılar - ya suya, ya oduna!

Atalar sözü ID - 1233 Dəvəni dağdan uçurdan bir çəngə otdur.

Atalar sözü ID - 1234 Dəvəni eşşəyin quyruğuna bağlama.

Atalar sözü ID - 1235 Dəvənin dizini bağla, sonra Allaha tapşır.

Atalar sözü ID - 1236 Dəvənin nəyi düzdü ki, boynu da düz olsun.

Atalar sözü ID - 1237 Dəvənin yemədiyi ot ya başını ağrıdar, ya qılçını.

Atalar sözü ID - 1238 Dəvəyə dedilər: enişi sevirsən, yoxuşu? Dedi: lənət hər üçünə.

Atalar sözü ID - 1239 Dəvəyə qanqal lazım olsa, boynunu yüz yerdən uzadar.

Atalar sözü ID - 1240 Dəvəyə şüşəki nə eyləsin?!

Atalar sözü ID - 1241 Dəvəquşuna dedilər: qaç, dedi: quşam, dedilər: uç, dedi: dəvəyəm.

Atalar sözü ID - 1242 Dəvətsiz gələn döşəksiz oturar.

Atalar sözü ID - 1243 Dəyənək dəlinin, süpürgə gəlinin.

Atalar sözü ID - 1244 Dəyirman öz işin işdər, çax-çax baş ağrıdar.

Atalar sözü ID - 1245 Dəyirmana gedəndən sonra ulaq verən çox olar.

Atalar sözü ID - 1246 Dəyirmana su hardan axdığın öyrən.

Atalar sözü ID - 1247 Dəyirmançı qızını ərə verdi, arvadını da üstəlik.

Atalar sözü ID - 1248 Dəyirmançıdan acıq eləyən çuvalın boş aparar.

Atalar sözü ID - 1249 Dəyirmançının şahidi kömbəçi olar.

Atalar sözü ID - 1250 Dəyirmanda dənin yox, şahad üstə başını niyə yarırsan!

Atalar sözü ID - 1251 Dəyirmanın yaraşığı torba-çuvaldı.

Atalar sözü ID - 1252 Dəymə mənə, dəyməyim sənə.

Atalar sözü ID - 1253 Dığ-dığ qardaşı qardaşdan ayırar.

Atalar sözü ID - 1254 Dımbılı ələk, dımbılı sac, əlim xəmir, qarnım ac!

Atalar sözü ID - 1255 Dil adamı bəyan elər.

Atalar sözü ID - 1256 Dil həmişə ağrıyan dişin üstə gələr.

Atalar sözü ID - 1257 Dil ki var, ətdəndi; hara döndərsən dönər.

Atalar sözü ID - 1258 Dil sümüksüzdü, amma sümüyü sındırar.

Atalar sözü ID - 1259 Dil var bal - gətirər, dil var - bəla gətirər.

Atalar sözü ID - 1260 Dil yanılar, doğrusun deyər.

Bu səhifə dəfə baxılıb