İzahlı lüğət
ODLANMA (ID - 31349)“Odlanmaq” dan f.is.
|
ODLANMAQ (ID - 31350)qayıd. 1. Yandırılmaq, yanğm törədilmək. Evi odlanan mən, əli kösövlü sən. (Ata. sözü). // Od düşüb yanmaq, alışmaq, alışıb-yanmaq. [Yaqut] yanan canının ağrısını əks etdirən dəhşətli bir səslə: - Burax məni, Yunus,...
|
ODLU (ID - 31351)sif. 1. Odu olan; yanar, alovlu, közərən. Odlu ocaq. - Çox zaman qurduğum tələdəki quşlar yerinə gözlərimə anamın dəhşətlə təsvir etdiyi əllərində odlu kösövlər olan inkirminkirlər görünürdü. M.İbrahimov. Səbzəlinin dodaqlarından...
|
ODLU-ALOVLU (ID - 31352)sif və zərf 1. Gərgin, şiddətli, dəhşətli, qızğın. ..Həryerdə odlu-alovlu vuruş gedir, nəriltili-gurultulu atışma kəsmək bilmirdi. S.Rəhimov.
2. Bax odlu 3-cü mənada. Odlu-alovlu danışmaq. Odlu-alovlu nitq. |
ODLUQ (ID - 31353)is. 1. Samovar, soba və s.-də od yanan hissə. Lampanın odluğu. - Odluq içərisinə doldurulmuş ulas ağacının mis kimi möhkəm kömürləri qıpqırmızı qızarır, samovar yırğalanır, sanki ayaqlanıb yeriyirdi. S.Rəhimov.
2. köhn.... |
OD-OCAQ (ID - 31354)top. Ocaq, tonqal, soba və s. Kür qırağı, Qarayazı, göy çəmən; Qoşa palıd, tüstülənən od-ocaq! S.Vurğun. Enirəm qazmaya; Qazma soyuq, dar; Od-ocaq yoxsa da bir işıltı var. Ə.Cəmil.
|
ODPÜSKÜRDÜCÜ, ODPÜSKÜRƏN (ID - 31355)sif İçərisindən od çıxan. Odpüskürən dağ (vulkan).
|
ODSAÇAN (ID - 31356)is. Yanar maye saçan odlu silah. Xüsusi ağır mina və odsaçan batareyalar, ağır top və tanklar gətirildi. Ə.Əbülhəsən.
|
ODSÖNDÜRƏN (ID - 31357)is. Yanğını söndürmək üçün xüsusi cihaz. [Zabit soldatları:] Tez şlanqları alın, odsöndürəni! Tez olun, tez! S.Vəliyev.
|
ODUN (ID - 31358)is. 1. Yandırmaq üçün kəsilmiş və doğranmış ağac parçası; ağac yanacağı. Yaş odun. Doğranmış odun. - Odunlar alışıb çıtırtı ilə yanmağa başlayanda bir neçə addımlıq yer işıqlandı. M.Hüseyn. Qərənfil xala quru odunlardan...
|
ODUNCAQ (ID - 31359)is. Ağacın, yaxud kolun qabıq altında olan ən sıx, bərk hissəsi.
|
ODUNCAQLAŞMA (ID - 31360)"Oduncaqlaşmaq” dan f.is..
|
ODUNCAQLAŞMAQ (ID - 31361)bax odunlaşmaq.
|
ODUNÇU (ID - 31362)is. Meşədən odun doğrayıb satmaqla məşğul olan adam. Gedər odunçu meşəyə, ağac qırar, odun kəsər. A.Səhhət. Odunçu öz iki oğlu ilə odun yığır. Ü.Hacıbəyov.
|
ODUNÇULUQ (ID - 31363)is. Odunçunun işi, peşəsi, odun doğrayıb satma işi. [Qurban:] Axırda əlacım kəsildi, başladım odunçuluğa. Ə.Haqverdiyev.
|
ODUNXANA (ID - 31364)bax odunluq 2-ci mənada.
|
ODUNKƏSƏN (ID - 31365)is. zool. Ağacların, kolların qabıq və oduncağını yeyən böcək və onun sürfəsi.
|
ODUNQIRAN (ID - 31366)1. sif. Odun qırmaq üçün işlədilən, odun doğramağa məxsus. Əhmədin arvadı Nisə götürüb odunqıran baltanı üz qoydu meşəyə. (Nağıl).
2. B ax odunçu. |
ODUNLAŞMA (ID - 31367)“Odunlaşmaq” dan f.is. ..Fosfor gübrəsi meyvələrin inkişafını, kalium gübrəsi isə zoğların inkişafını və vaxtında odunlaşmasını təmin edir. İ.Axundzadə.
|
ODUNLAŞMAQ (ID - 31368)f 1. Bərkiyib ağaca dönmək; oduncaqlaşmaq (bitkilərin zoğları haqqında).
2. məc. Keyləşmək, hissizləşmək, oduna dönmək. |
ODUNLUQ (ID - 31369)sif. 1. Odun üçün yarayan, odun kimi kəsmək üçün ayrılmış. Odunluq ağac.
2. Odun saxlanılan yer, odun anbarı. Doğranmış odunu odunluğa yığmaq. |
OD-YALOV (ID - 31370)bax od-alov. [Məşədi Müslüm:] ..Demə qız od-yalov imiş. Mir Cəlal.
|
OF (ID - 31371)b ax uf. [Əsgər Cahana:] Of ay xala! Yenə bilmədin nə istəyirəm?.. Ü.Hacıbəyov. Of həyat nə qədər şirindir. Mir Cəlal.
|
OFİSİANT (ID - 31372)is. [lat.] Restoranda, aşxanada xörək paylayan.
|
OFSET (ID - 31373)[ing. offset] Çap üsulu: bu üsulda çap qəlibi üzərindəki rəng (şəkil) rezin lövhəyə, oradan da kağız üzərinə köçürülür.
|
OFTALMOLOGİYA (ID - 31374)[yun. oftalmos - göz və logos - elm, nəzəriyyə] Göz xəstəlikləri və onların müalicəsi üsullarından bəhs edən elm.
|
OĞLAQ (ID - 31375)is. Körpə, südəmər keçi balası; çəpiş. Analarını əmməsinlər deyə quzuları, oğlaqları bir ağıla doldururdular. A.Şaiq.
|
OĞLAN (ID - 31376)is. 1. Kişi cinsdən olan uşaq. Uşaqlarından biri oğlandır, ikisi qız. - [Arvad:] Aradan bir az keçdi, Allah vurdu, mənə bir oğlan da verdi. Çəmənzəminli.
2. Həddi-büluğa çatmış, lakin hələ evlənməmiş gənc. Getdim alagözlü... |
OĞLANCIĞAZ (ID - 31377)“Oğlan” dan ox0. Oğlancığaz bərk xəstədir.
|
OĞLANCIQ (ID - 31378)is. Kiçik oğlan uşağı.
|
OĞLANLIQ (ID - 31379)is. Kişi cinsinin evlənənə qədər olan halı, oğlan olma dövrü.
|
OĞLANLI-QIZLI (ID - 31380)top. Həm oğlan(lar), həm də qız(lar), oğlanlarla qızlar birlikdə. Oğlanlı-qızlı köməyə gəlmək. - [Yaşlı kişi:] Oğlanlı-qızlı bir araya toplaşır, Şərəf xalagilin ağ və təmiz qumdan ibarət olan təpəliyində oynardıq....
|
OĞRU (ID - 31381)1. is. Oğurluq edən adam, oğurluqla məşğul olan adam. Casusmusan ki, yoxsa oğru? Ya əyrimisən ki, yoxsa doğru? Xətayi. Mollanın börkünü çalıb oğru; Yüyürüb qaçdı bir bağa doğru. M.Ə.Sabir.
B ax oğrun. Bu bir gözəllikdir... |
OĞRUBAŞI (ID - 31382)is. Oğru dəstəsinin başçısı, oğrulara başçılıq edən adam. [Qulu:] Bəli, Tehran həbsxanasından qaçmış oğrubaşı Səftərsən. S.S.Axundov. Zahirən Leylək zabitəli bir divanbəyi, içəridən bir oğrubaşı idi. S.Rəhimov.
|
OĞRU-ƏYRİ (ID - 31383)top. Oğrular, oğurluqla məşğul olan adamlar, əli düz olmayan adamlar; cinayətkarlar. [Cındırlı kişi:] Burada oğruəyri çox olduğundan müştəriləri nərdivan ilə çıxardıb, sonra nərdivanı götürürük. Ə.Haqverdiyev. Çoxdan bəri...
|
OĞRU-QULDUR (ID - 31384)top. Oğurluqla, quldurluqla məşğul olan adamlar. Leylək oğruquldurun əzizi, iki gözü idi. S.Rəhimov.
|
OĞRUN (ID - 31385)zərf və sif Gizlicə, başqalarına sezdirmədən, başqalarına bildirmədən. Ovçu görmüş maral kimi səksənib; Oğrun baxabaxa bu yanə gəlsin! Q.Zakir. Səlimin oğrun baxışları Dilaranın xəyalından çıxmırdı. M.İbrahimov.
|
OĞRUNCA (ID - 31386)bax oğrun. Oğrunca nəzər salmaq. - Nəbi kişi göz qapaqlarını qaldırıb tərs-tərs, ancaq oğrunca saqqalına dən düşmüş memara baxdı. S.Rəhimov.
|
OĞRUN-OĞRUN (ID - 31387)zərf bax oğrun. Gəlinin başına bəy alma atır; Gəlin oğrun-oğrun baxıb naz satır. Şəhriyar.
|
OĞUL (ID - 31388)is. 1. Kişi cinsindən olan övlad. Onun oğlu olub. Iki qızı, bir oğlu var. - [Qurbanəli:] Qaldır başını, sən axı Qurbanəlinin oğlusan. H.Nəzərli. Son zaman Rüstəm kişi oğlunun tora düşməsində, pis bir günah işləməsindən qorxurdu....
|
OĞULLUQ (ID - 31389)is. 1. Oğulun ata-ana qarşısında borcu, vəzifəsi, haqqı; övladlıq. Oğulluq borcu. Oğulluq etmək.
2. Biri tərəfindən övladlığa götürülmüş, yaxud ana ardınca kişinin evinə gətirilən oğlan uşağı. □ Oğulluğa götürmək... |
OĞULSUZ (ID - 31390)sif. Oğlan övladı olmayan, oğlu olmayan, yaxud oğlu ölmüş. Oğulsuz analar yasa batmışdır. S.Vurğun.
|
OĞULSUZLUQ (ID - 31391)is. Oğlan övladı olmayan ata-ananın halı, oğlu olmama.
|
OĞUL-UŞAQ (ID - 31392)top. Oğullar, qızlar bir yerdə. [Murad] ..evli və oğul-uşaq sahibi idi. S.Hüseyn. [Cahan:] Əsgər, gəl evlən, ev-eşik yiyəsi ol, oğul-uşaq sahibi ol.. Ü.Hacıbəyov.
|
OĞURLAMA (ID - 31393)"Oğurlamaq” dan f.is.
|
OĞURLAMAQ (ID - 31394)f Başqasına məxsus şeyi, malı, pulu və s.-ni gizlincə götürüb mənimsəmək, aparmaq. [Odabaşı Xudayar bəyə:] ..Yekə kişi, xalqın eşşəyini oğurlayıb gətirmisən, qatmısan mənim karvansarama. Məmmədquluzadə. [Dostəli:] Bilmək...
|
OĞURLANMA (ID - 31395)"Oğurlanmaq” dan f.is.
|
OĞURLANMAQ (ID - 31396)1. məch. Oğurluqla mənimsənilmək, aparılmaq, ələ keçirilmək. Kassa oğurlandı.
2. f Gizli olaraq görmək, başqalarına sezdirmədən görmək (bir işi). [Tutu] ..adamlardan oğurlanıb birbaş Mürsəlin yanına gəlir.. Ə.Vəliyev. |
OĞURLATDIRMA (ID - 31397)“Oğurlatdırmaq” dan f.is.
|
OĞURLATDIRMAQ (ID - 31398)icb. Başqası vasitəsilə oğurlatmaq, ələ keçirtmək. O məlun kəbin verməmək üçün bu kağızı bizdən oğurlatdırmışdır. M.S.Ordubadi.
|
Bu səhifə dəfə baxılıb
Tarix fənni üzrə hazırlıq (Abituriyent və MİQ hazırlığı)
Tam məlumat...
İngilis dili danışıq
Tam məlumat...
Coğrafiya hazırlığı (online - kursda)
Tam məlumat...
......