İzahlı lüğət
TARLAÇILIQ (ID - 38436)1. is. Tarlaçının işi, tarlada işləmə.
2. Sif. mənasında. Tarlaçılardan təşkil olunmuş, tarlaçılardan ibarət olan. Tarlaçılıq briqadası. |
TARLAQORUYUCU (ID - 38437)sif. Tarlanı küləyin təsirindən qorumaq üçün əkilən. Tarlaqoruyucu meşə zolaqları.
|
TARLANMA (ID - 38438)“Tarlanmaq”dan f.is.
|
TARLANMAQ (ID - 38439)f 1. Qaralmaq, tutulmaq. Hava tarlandı.
2. Qırt yatmaq (toyuq). |
TARLAŞMA (ID - 38440)“Tarlaşmaq”dan f.is.
|
TARLAŞMAQ (ID - 38441)f . Tar olmaq, alaqaranlıq olmaq, qaranlıq düşmək. Hava tarlaşmışdı.
|
TARLIQ (ID - 38442)is. Tar olma; alaqaranlıq, toranlıq, tar şeyin halı.
|
TAR-MAR (ID - 38443)sif. 1. Bir-birinə qarışmış, dolaşıq, nizamsız, qarışıq; pərişan. [Süleyman Əsgərə:] Nədir sənin dərdin, bu nə ah-zardır; Nədir sənin fikrin belə tar-mardır. U.Hacıbəyov. Məzar... Şaxta kəsir, o tənha xəyal; Yönəlir...
|
TARP (ID - 38444)təql. Bərk, ağır bir şeyin birdən-birə yerə düşməsindən və ya ağır, bərk şeylərin bir-birinə toxunmasından çıxan səs. [Odabaşı:] Hacı bunu eşidən tək tarp dəydi yerə. Ə.Haqverdiyev.
|
TARTAN-PARTAN (ID - 38445)is. Boş, mənasız sözlər, danışıq; hədyan. Tartan-partan (z.) danışmaq.
|
TARZƏN (ID - 38446)[fars.] bax tarçı. Tarzən ilə kamançaçı məharətlə çalır, qavalvuran oğlan isə boğazını arıtlayıb oxumağa hazırlaşırdı. M.Hüseyn.
|
TAS1 (ID - 38447)is. Enli, dairəvi, dayaz metal qab; teşt, ləyən. Hamam tası. - Hənifə bir əlində tas, o biri əlində isti su ilə dolu vedrə .. tövşüyətövşüyə içəri girdi. İ.Hüseynov.
2. Köhnə məişətdə: tas qurmaqla fala baxma, tas falı.... |
TAS2 (ID - 38448)is. [ər.] Nərd oyununda üç, bəzən də dörd xal qazanıb oyunu udma və ya üç, bəzən də dörd xal itirib oyunu uduzma.
|
TASA1 (ID - 38449)is. [fars.] 1. Qəm, qüssə, kədər.
2. Çırpınmaq, narahatlıq, qərarsızlıq. |
TASA2 (ID - 38450)is. məh. Qəzəb, hirs.
|
TASABAXAN (ID - 38451)is. köhn. Tasla fala baxan adam; falçı (bax tas1 2-ci mənada).
|
TASKABAB (ID - 38452)is. Taskababıda bişirilən xırda küftə və ya doğranmış ət və kartofdan ibarət xörək.
|
TASKABABI (ID - 38453)is. Ağzı kip örtülən ikiqulplu qazança.
|
TASKÜLAH (ID - 38454)is. [fars.] köhn. Dəbilqə.
|
TASKÜLAHLI (ID - 38455)sif köhn. Başında taskülah olan; dəbilqəli. Ümumi sakit ikən etdi mətləbə ağaz; Dəmir geyimli, polad taskülahlı bir knyaz. A.Səhhət.
|
TASLAQ (ID - 38456)is. Bir şeyin hələ qəti bir şəkil almamış halı; eskiz, sxem.
|
TAT (ID - 38457)is. Azərbaycan, Dağıstan və İranda yaşayan irandilli xalq və bu xalqa mənsub adam.
|
TATAR (ID - 38458)is. 1. Tatarıstanın əsas əhalisini təşkil edən türkdilli xalq və bu xalqa mənsub adam. Volqaboyunda, Sibirdə və s.-də yaşayan türkdilli bəzi kiçik xalqların adı.
XIII-XV əsrlərdə Qızıl Orda dövlətini təşkil edən müxtəlif... |
TATARCA (ID - 38459)sif. və zərf Tatar dilində. Tatarca öyrənmək. Tatarcadan tərcümə.
|
TATARI (ID - 38460)is. Qırmanc, qamçı. Çiynində tüfəngi, döşdə qatarı; Belində xəncəri, əldə tatarı. H.K.Sanılı.
|
TATARILAMA (ID - 38461)“Tatarılamaq”dan f.is.
|
TATARILAMAQ (ID - 38462)f Tatarı ilə vurmaq; qırmanclamaq, qamçılamaq.
|
TAUN (ID - 38463)is. [ər.] 1. Qusma və ishal şəklində təzahür edən çox yoluxucu ağır epidemik xəstəlik.
2. Qarğış məqamında işlənir. Səni taun tutsun! |
TAU-SAQQIZ (ID - 38464)is. bot. Dağlarda bitən çoxillik kauçuklu ot-bitki. Tau-saqqız.. çoxillik, yoğun, kobud kökləri olan və kök bicləri verən bitkidir. M.Qasımov.
|
TAVA1 (ID - 38465)is. İçində ət və s. qızartmaq üçün kənarları yastı, dairəvi metal qab. Mis tava. Tavada ət qızartmaq. - [Sayad] tez dönüb, qara tavanı yerə qoydu. M.Hüseyn. Pərşan ocağı alışdırdı, tavaya yağ atdı. M.İbrahimov.
|
TAVA2 (ID - 38466)bax tavadaşı.
|
TAVADAŞI (ID - 38467)is. İri, əsasən yastı daş; tava. Hamamın yeri təmiz yonulmuş ağ tavadaşılarla döşənmiş olardı. H.Sarabski.
|
TAVAKABABI (ID - 38468) |
TAVALIQ (ID - 38469)is. Qayalıq, daşlıq. Tavalıqda xırman sürmək.
|
TAVAN1 (ID - 38470)is. Binanın daxilinin üst örtüsü; səqf. Bir qoca da zilləyərək gözlərini tavana; Ovuşdurub ovucunda tütün tökür qəlyana. S.Rüstəm. Alçacıq tavandan torpaq tökülür; Lakin üzlər gülür, baxışlar gülür. Ə.Cəmil.
□□... |
TAVAN2 (ID - 38471)is. [fars.] Güc, qüvvət, qüvvə (çox vaxt “tab” sözü ilə bərabər işlənir). Dedim, ayrılığa yoxdur tavanım; Ayrılıb getməsin sərvi-rəvanım. Ə.Cavad.
|
TAVANA (ID - 38472)is. [fars.] 1. Maddi imkan, pul, var, dövlət. Ev boş, ev soyuq; Bircə şam almağa tavanası yox. B.Vahabzadə.
2. Bax tavan2. Əlinin tavanası yoxdur. |
TAVANALI (ID - 38473)sif. Maddi imkanı olan, varı, pulu, dövləti olan; pullu, dövlətli, varlı. [Qorxmaz:] Mən bu fikirdəyəm ki, biz daha iri, tavanalı və güclü bir kolxozda birləşməliyik. Ə.Vəliyev.
|
TAVANASIZ (ID - 38474)sif. Maddi imkanı olmayan, pulu olmayan; kasıb.
|
TAVANLI (ID - 38475)bax tavanalı. Naməlsəm məhəlləsinin camaatı ata-babadan yerli, tavanlı olub, günlərini müttəsil eyş və işrətdə keçirən bir xalq idi. N.Nərimanov.
|
TAVAR1 (ID - 38476)is. Balaq (camış balası).
|
TAVAR2 (ID - 38477)sif. məh. İri, böyük, yekə.
|
TAVAR3 (ID - 38478)sif. məh. Çalışqan, bacarıqlı, zirək.
|
TAVOT (ID - 38479)is. Sürtkü yağlarının bir növü.
|
TAVR (ID - 38480)is. Krımın cənub hissəsinin qədim əhalisi.
|
TAVTOLOGİYA (ID - 38481)[yun. tauto - o özü və logos - söz] Əvvəl deyilən şeyin başqa şəkildə və ya başqa söz və ya ifadə ilə təkrarı.
|
TAY1 (ID - 38482)is. Bab, bərabər, münasib, misl. [Züleyxa xanım:] ..Altmışyaşında qoca ona taydı? N.Vəzirov. Xasay bir oğlandır, ona tay hanı? Var adı, qulluğu, şöhrəti, şanı. S.Vurğun. □ Tay etmək - bərabər tutmaq; bir tutmaq. Mələkdən...
|
TAY2 (ID - 38483)is. 1. Tək, bir. Öküzün taydı, işin aydı. (Ata. sözü).
2. Ümumiyyətlə, qoşa şeylərdən hər biri. Qırılmış cilovun, taydır üzəngin. M.Rahim. // Eyni mənada ayaqqabı, corab, əlcək və s. haqqında. Əlcəyin tayı. Corabın... |
TAY3 (ID - 38484)is. 1. Kisəyə, yeşiyə və s.-yə qablaşdırılmış yük. Hər birinə ağır taylar çatdılar. Q.Zakir. ..Gah da Aşqabadda Hacı Zeynalabdın Tağıyevin doqquz tay manufaktur malını oğurlayırlar. C.Məmmədquluzadə.
2. Bax taya. Küləş... |
TAY4 (ID - 38485)is. Bir yeri iki hissəyə bölən şeyin tərəflərindən biri. Divarın bu tayı. - Pərdənin o tayında da sükut vardı. S.Rəhman. // Eyni mənada dağ, dərə və s. haqqında. Rübabə dərənin o tayında, lap aşağıda qarda yüyürən bir...
|
Bu səhifə dəfə baxılıb
İnformatika hazırlığı
Tam məlumat...
Autocad və 3DS max kursları
Tam məlumat...
Coğrafiya hazırlığı (online - kursda)
Tam məlumat...
......