İzahlı lüğət
AZ-ÇOX (ID - 2451)zərf Bir miqdar, bir qədər, hər bir miqdarda olursa olsun. Az-çox məlumatı olmaq. Az-çox iş görmək. - [Bəkir:] Bu yerlərə mən az-çox bələdəm. N.Vəzirov. [Haşım] axır vaxtlarda az-çox dülgərlik sənətini öyrənmiş və qazandığı...
|
AZDAN-ÇOXDAN (ID - 2452)b a x az-çox. [Qasım kişi:] Axı mən də bir qoca kişiyəm, dünyada mən də azdan-çoxdan yaxşı ilə yamanı seçirəm. C.Məmmədquluzadə. [Ağa Kərim xan:] Cehizi yoxdur? Gənə azdan-çoxdan, bir şey. N.Vəzirov. Bəlkə gənclərdir, azdan-çoxdan...
|
AZDANIŞAN (ID - 2453)sif Danışmağı, söhbət etməyi sevməyən. Azdanışan adam. - Qumru çox azdanışan bir arvad idi. Ə.Əbülhəsən.
|
AZDIRILMA (ID - 2454)“Azdırılmaq”dan f.is.
|
AZDIRILMAQ (ID - 2455)məch. 1. Yoldan çıxarılmaq, sapdırılmaq, yayındırılmaq.
İtkin salınmaq, uzaqlaşdırılmaq, rədd edilmək. Korlanmaq, pis öyrədilmək, ərköyün öyrədilmək. |
AZDIRMA (ID - 2456)“Azdırmaq”dan f.is.
|
AZDIRMAQ (ID - 2457)f 1. İtkin salmaq, evdən uzaqlaşdırmaq, rədd etmək. İti azdırmaq. Pişiyi azdırmaq.
Düz yoldan çıxarmaq, yanlış istiqamətə yönəltmək, pis yola sövq etmək. Atalar doğru deyiblər ki, dövlət adamı azdırar. İ.Musabəyov. ... |
AZDIRTMAQ (ID - 2458)icb. Başqası vasitəsilə azdırmaq.
|
AZƏR1 (ID - 2459)b a x azərbaycanlı.
□□ Azər övladı tənt. - azərbaycanlılar. Azər övladı vətənsiz yaşamaz; Tut əlimdən ki, mənəm arxa sənə. S.Rüstəm. Doğma qardaş kimi azər övladı; Misirdə özünü biganə sanmaz! Aşıq Hüseyn. |
AZƏR2 (ID - 2460)is. [fars.] Oda xidmət göstərən mələk.
|
AZƏR3 (ID - 2461)is. [fars.] İranda günəş təqvimində ilin 9-cu ayı (22 noyabr - 21 dekabr).
|
AZƏRBAYCANCA (ID - 2462)sif. və zərf Azərbaycan dilində. Azərbaycanca yazıb-oxumaq. Azərbaycanca qəzet. - [Nizami:] Sizə də, bizə də məlumdur ki, Şirvan sarayında yaşayanlar da, xaqanın özü də azərbaycanca danışa bilmirlər. M.S.Ordubadi. Yaralı azərbaycanca...
|
AZƏRBAYCANÇILIQ (ID - 2463)is. Azərbaycan xalqının vahid fikir ətrafında mənəvi birliyini nəzərdə tutan milli ideya. Azərbaycançılıq haqqında düşüncələr. Azərbaycançılıq amalı.
|
AZƏRBAYCANLI (ID - 2464)is. Azərbaycan Respublikasının və Cənubi Azərbaycanın əsas əhalisini təşkil edən, türk dillərindən birində danışan xalq və bu xalqa mənsub adam. Dünya azərbaycanlıları. Cəmiyyət xarici ölkələrdə yaşayan azərbaycanlılarla...
|
AZƏRBAYCANŞÜNASLIQ (ID - 2465)is. Azərbaycanın tarixini, mədəniyyətini, dilini və s. öyrənməklə məşğul olan elmlərin məcmusu. Azərbaycanşünaslığın bir çox mühüm problemlərinin həlli birbaşa arxeoloji axtarışlarla bağlıdır.
|
AZƏRİ (ID - 2466)is. Azərbaycanlı. Azərilər haqqında Yaqut Həməvinin rəyi şayani-diqqətdir.. Çəmənzəminli. Azəridir mənim adım; Füzulidir söz ustadım. S.Vurğun.
// sif. Azərbaycana, azərbaycanlılara, yaxud Azərbaycan dilinə aid. Azəri mülkünü... |
AZƏRİCƏ (ID - 2467)b a x azərbaycanca.
|
AZGÜCLÜ (ID - 2468)sif. Qüvvəsi az olan, zəif. Neft mədənində çoxgüclü elektrik mühərrikləri azgüclü mühərriklərlə əvəz edilmişdir.
|
AZĞIN (ID - 2469)sif. 1. Azmış, yolunu itirmiş.
Azğın düşmək - yolunu itirmək, yurdundan, məskənindən avara düşmək. // məc. Yoldan çıxmaq, pis yola düşmək. məc. Qudurmuş, vəhşi, yırtıcı, amansız, önüalınmaz, sərt, şiddətli.... |
AZĞINLAŞMA (ID - 2470)“Azğmlaşmaq”dan f.is.
|
AZĞINLAŞMAQ (ID - 2471)f Qudurmaq, yolundan çıxmaq, öz hərəkətlərində heç bir hədd-hüdud bilməmək; vəhşiləşmək.
|
AZĞINLIQ (ID - 2472)is. Vəhşilik, sərtlik, amansızlıq; qəzəb və hiddət, başlı-başmalıq. Düşmənin azğınlığı. Azğınlıq etmək.
// Qudurğanlıq, lovğalıq, təkəbbürlük. |
AZI1 (ID - 2473)azı dişlər - ağzın hər iki tərəfində altda və üstdə olub, yeyilən şeyi çeynəməyə məxsus dişlər. Serjant sevindi və azı dişləri görünənədək ağzını ayırdı. P.Makulu.
|
AZI2 (ID - 2474)zərf Ən az, ən cüzi; minimum. Bu şeyi almaq üçün azı 5 manat lazımdır.
[Əhməd:] Ay kişilər, .. bu saat Səfər bəy ilə nökəri Qənbər at üstə gedirdilər; azı yarım verst onları güdmüşəm. B.Talıblı. |
AZIDİŞİ (ID - 2475)is. b a x azı1#.
|
AZIXANTROP (ID - 2476)is. Azıx mağarasında (Azərbaycan Respublikasında) alt çənə sümüyünün bir hissəsi tapılmış ibtidai insana verilən ad. Azıxantrop ilk paleontropa keçid pilləsini təşkil edir.
|
AZIXMAQ (ID - 2477)b a x azmaq 2-ci mənada.
|
AZIQ, AZUĞ (ID - 2478)is. qəd. Azuqə. Yedi günlük azuğla çıqayın. “Dədə Qorqud”.
|
AZIŞDIRMAQ (ID - 2479)f 1. B a x azdırmaq.
2. Pozmaq, sağalmaq üzrə olan xəstəliyi və ya yaranı əlləşdirib təzələmək. |
AZIŞMAQ (ID - 2480)f 1. Yolunu azmaq, düz yoldan kənara çıxmaq. [Şəhrəbanı xanım:] Gülçöhrə .. Allahı sevirsən, ağlına zor vermə, sən lap azışıbsan, get işinə. M.F.Axundzadə.
Təzələnmək (yara, xəstəlik). |
AZITMAQ (ID - 2481)b a x azdırmaq 1 -ci mənada.
|
AZİM (ID - 2482)[ər.]: azim olmaq klas. - getmək, üz tutmaq. Culfa yolu ilə Təbrizdən keçib, Nəcəfüləşrəf şəhərinə azim olacaq. C.Məmmədquluzadə.
|
AZİMUT (ID - 2483) |
AZİŞLƏNƏN (ID - 2484)sif. Çox işlənməyən, az tətbiq olunan, az yayılmış. Azişlənən mallar. Azişlənən söz.
|
AZQANLI (ID - 2485)sif. tib. Qanı az olan, solğun (adam).
|
AZQANLILIQ (ID - 2486)is. tib. Çoxlu qan itirmək və ya qanda qırmızı cisimciklərin (hemoqlobin) azlığı nəticəsində əmələ gələn xəstəlik hal.
|
AZLIQ (ID - 2487)is. 1. Hər hansı bir qrupun (adamlar qrupunun) az hissəsi; sayca az olan hissə; əqəliyyət. Azlıqda qalmaq. Layihəyə ancaq azlıq səs vermədi. - [Uğur:] Bizdə azlıq çoxluğa tabedir. İ.Əfəndiyev.
2. Miqdarca, sayca, müddətcə və... |
AZMA (ID - 2488)“Azmaq”dan f.is.
|
AZMAQ (ID - 2489)f 1. Yolu itirmək, istiqaməti itirmək. Meşədə azmaq. Atlılar yolu azdılar.
[Həkim:] Axı necə oldu ki, belə sağlam və qüvvətli adam olduğunuz halda, birdən azdınız və evinizin yerini itirdiniz? C.Cabbarlı. Kənardan baxana elə... |
AZMAN (ID - 2490)sif. Çox böyük, çox iri, çox yekə, əzəmətli, heybətli. Azman tikinti. Azman binalar. Azman qayalar. - Saçı-saqqalı ağarmış qocaman buruq ustalarının belə azman yanğın gördükləri yadlarına gəlmir.. Ə.Məmmədxanlı.
|
AZMANLIQ (ID - 2491)is. Çox irilik, çox böyüklük, əzəmət.
|
AZ-MAZ (ID - 2492)zərf dan. Bir az, az miqdarda, cüzi; zəif. O, farsca az-maz bilir. Bu işdən az-maz başım çıxır. Az-maz yemək yedim.
[Seryoja:] Bu şeyləri az-maz mən də bilirəm. A.Şaiq. |
AZMIŞ (ID - 2493)f.sif 1. Yolunu itirmiş, istiqamətini itirmiş. [Durna] özünü azmış .. adamlar kimi ümidsiz və tək hiss etdi. İ.Əfəndiyev. Kosa zülmətdə azmış yolçular kimi hər tərəfə yol axtarır və tapa bilmirdi. S.Rəhimov.
// məc. Doğru... |
AZOT (ID - 2494)[yun.] kim. Havanın əsas tərkib hissəsini təşkil edən maddələrdən birisi rəngsiz və qoxusuz qaz; kimyəvi element. Astara yaxınlığındakı mineral bulaqlardan da su ilə bərabər azot qazı çıxır. M.Qaşqay.
|
AZOTLAŞDIRILMA (ID - 2495)“Azotlaşdırılmaq”dan f.is.
|
AZOTLAŞDIRILMAQ (ID - 2496)məch. Azotla, azotlu maddələrlə zənginləşdirilmək.
|
AZOTLAŞDIRMA (ID - 2497)“Azotlaşdırmaq”dan fis.
|
AZOTLAŞDIRMAQ (ID - 2498)f xüs. Bir şeyin tərkibini azotlu maddələrlə zənginləşdirmək,
bir şeydə azotlu maddələrin miqdarını artırmaq. Torpağı azotlaşdırmaq. |
AZOTLU (ID - 2499)sif. kim. Tərkibində azot olan. Azotlu birləşmələr. - Balaca daxmacaların birində azotlu və fosforlu gübrələr .. görünürdü. Ə.Vəliyev.
|
AZOTSUZ (ID - 2500)sif. kim. Tərkibində azot olmayan. Azotsuz maddələr. - Çörəyə azotsuz deməkdən murad o deyil ki, onun azotu yoxdur, onun azotu var və çoxdur da. Amma nişastası artıq olduğuna (görə) ona azotsuz .. deyilir. H.Zərdabi.
|
Bu səhifə dəfə baxılıb
Tarix fənni üzrə hazırlıq (Abituriyent və MİQ hazırlığı)
Tam məlumat...
Ofis proqramları kursu
Tam məlumat...
İngilis dilini bizimlə öyrən
Tam məlumat...
......