İzahlı lüğət
MƏSLƏHƏTLƏŞMƏK (ID - 28899)f 1. Necə hərəkət etmək, bir şeyi necə görmək haqqında biri ilə məsləhət etmək, onun rəyini soruşmaq, məsləhət almaq üçün müraciət etmək. Atası ilə məsləhətləşmək. - [Mehriban] istəyirdi ki, Zeynal barəsində onunla...
|
MƏSLƏHƏTLİ (ID - 28900)sif Məsləhət ilə görülən, məsləhət ilə olan. Məsləhətli don gen olar. (Ata. sözü).
|
MƏSLƏK (ID - 28901)is. [ər.] 1. Hər hansı bir dünyagörüşünə əsaslanan əqidə, məfkurə, amal. Məsləkim, şüarım ucadan uca; Mən getdim, yoldaşlar, gəlin arxamca! A.Şaiq.
Etiqad, məzhəb, inam. [Şeyx Sənan:] Kimsiniz? Məsləkü təriqətiniz; Nə... |
MƏSLƏKBAZ (ID - 28902)is. [ər. məslək və fars. ...baz] Tez-tez məslək dəyişən adam.
|
MƏSLƏKBAZLIQ (ID - 28903)is. Tez-tez məslək dəyişmə.
|
MƏSLƏKDAŞ (ID - 28904)is. Bir məsləkdə olanlardan hər biri; həmməslək, məsləkcə yoldaş, birməsləkli. Bir-birimizlə yoldaş, məsləkdaş olaq!.. S.Hüseyn. Kərim öz dostuna, məsləkdaşına; Yaxşılıq istədi, yamanlıq oldu. B.Vahabzadə.
|
MƏSLƏKDAŞLIQ (ID - 28905)is. Eyni məsləkdə olma; həmməsləklik, birməsləklilik.
|
MƏSLƏKLİ (ID - 28906)sif. Müəyyən məsləkli olan; möhkəm etiqadlı, əqidəli, amallı. Məsləkli adam. - Ağa Əli tərəqqipərvər iranlıların ən qeyrətli, ən məsləkli cavanlarından idi. Çəmənzəminli.
|
MƏSLƏKLİLİK (ID - 28907)is. Məsləkli olma; etiqadlılıq, əqidəlilik.
|
MƏSLƏKSİZ (ID - 28908)sif Heç bir məsləki olmayan; etiqadsız, əqidəsiz, amalsız, prinsipsiz. Məsləksiz adam. - Vətən! Qoynunda bəslənmiş əməllər, arzular şəksiz; Vətənsiz, yurdsuz insanlar yaşar aləmdə məsləksiz. S.Vurğun.
|
MƏSLƏKSİZLİK (ID - 28909)is. Məsləksiz olma; etiqadsızlıq, əqidəsizlik, prinsipsizlik, amalsızlıq. O özünü məsləksizliyi üstündə qınamırdı, bacarıqsız olduğu üçün qınayırdı. Ə.Əbülhəsən.
|
MƏSMƏSİ (ID - 28910)is. bot. Üzəri sadə və ya budaqlı tüklərlə örtülü birillik bitki.
|
MƏSNƏVİ (ID - 28911)is. [ər.] ədəb. Hər iki misrası həmqafiyə olan böyük şeir, mənzumə. Cəlaləddin Ruminin məsnəviləri. - Gah məsnəviyə olub həvəsnak; Ol bəhrdə istərəm düripak. Füzuli.
|
MƏSRƏF (ID - 28912)is. [ər.] 1. Xərclənən pul, işlənən şey; xərc. Yol məsrəfi. Evin aylıq məsrəfi. Məsrəf etmək (eləmək) - xərcləmək, işlətmək, sərf etmək. [Tükəz:] ..Öz malını nə özün yeyib-içirsən, nə əyalına məsrəf edirsən....
|
MƏSRƏFLİ (ID - 28913)sif. 1. Sərf olunan, məsrəf olunan.
2. məc. dan. Faydalı, ağıllı-başlı. Mən də deyirəm, bəs kişinin qızı ağzını açıb məsrəfli bir söz söyləyəcək. Ə.Vəliyev. |
MƏSRUR (ID - 28914)sif. [ər. ] Şən, şad, şadman, sevincli. Sakit küçələr [Midhədə] geniş göründü, .. şəhər hürr və məsrur idi. Çəmənzəminli. Əbdül Saranın otağına daxil olub su səpir, yelləyir, fəqət üzü məsrurdur. C.Cabbarlı. // Zərf...
|
MƏSRURİYYƏT (ID - 28915)is. [ər.] klas. Məsrurluq, şadlıq, sevinc. Hamı əyləşib yenidən məsruriyyət ilə dinlərdilər. Ə.Haqverdiyev.
|
MƏST1 (ID - 28916)sif [fars.] 1. Sərxoş, kefli. Ya balıq tutandır, tufana tutulmuş; Yaxud məst imiş kim, batmış və boğulmuş. A.Səhhət. □ Məst etmək (eləmək) - kefləndirmək, sərxoş etmək. İçki onu məst etdi. Məst olmaq - içib keflənmək, sərxoş...
|
MƏST2 (ID - 28917)is. [fars. məs] Dəridən və ya başqa yumşaq materialdan tikilən yüngül ayaqqabı; məs. Məst geymək. - [Qərib:] Birisinin ayağında məsti var; Birisinin can almağa qəsdi var. “Aşıq Qərib” . Qərənfil bacının .. ayaqlarında ipək...
|
MƏSTAN (ID - 28918)[fars.] 1. sif Axıcı, süzgün, xumar (göz haqqında). Gözləri məstan, sürahi tək çəkilmiş gərdəni; Sözü şirin, özü amma xosrovi-əla pəri. M.P.Vaqif. Endirmədi aşığına; O gözləri məstan keçdi. Aşıq Ələsgər.
2. is.... |
MƏSTANƏ (ID - 28919)sif Süzgün, axıcı, xumar. Apardı ağlımı, din-imanımı; Sənin belə bu məstanə gözlərin. M.P.Vaqif. O məstanə gözlər süzüldükcə hər an; Alar can, tökər qan xuraman-xuraman. H.Cavid.
|
MƏSTEDİCİ (ID - 28920)sif Kefləndirən, xumarlandıran, bihuş edən, bihuşedici. [Dilbərgilin] həyətlərindəki yasəmən, ərik, alça, albalı ağaclarının çiçəkləri ətrafa məstedici bir qoxu saçırdı. Ə.Sadıq. ..Səhər nəsimi.. gül və çiçəklərin...
|
MƏSTEDİCİLİK (ID - 28921)is. Məstedici şeyin xassəsi, təsiri.
|
MƏSTLİK (ID - 28922) |
MƏSUD (ID - 28923)sif və zərf [ər.] Xoşbəxt, bəxtiyar, səadətli. Məsud adam. Məsudyaşamaq.
[Maral:] Məsud bir göyərçin kimi saf və azadə yaşayırdım.. H.Cavid. Hər üfüqdə bir həvəs, hər bucaqda bir umud; İnsanlar daha məsud. M.Müşfiq. □... |
MƏSUL (ID - 28924)sif [ər.] 1. Üzərinə məsuliyyət qoyulan, cavabdeh olan; cavabdeh, cavabdəhəndə, sorğulu. Mirzağa [Cəmiləni] istirahət evinin bir xidmətçisi və ya məsul bir işçisi zənn etdi. S.Hüseyn. Qəza komitəsinin məsul katibi Nəimovla Cəmil...
|
MƏSULİYYƏT (ID - 28925)is. [ər.] Məsul olma, cavabdehlik. [Möhsünzadə] ona başqa bir şöbədə adi və məsuliyyəti az bir vəzifə təklif edirdi. S.Hüseyn. □ Məsuliyyət daşımaq cavabdeh olmaq. // Öz hərəkətindən, işindən doğa biləcək hər hansı pis...
|
MƏSULİYYƏTLİ (ID - 28926)sif Məsuliyyəti olan; məsul. Məsuliyyətli tapşırıq. // məc. Çox mühüm, çox əhəmiyyətli. Tikintidə ekskavatorçulara çox çətin və məsuliyyətli bir iş tapşırılmışdı. Ə.Sadıq.
|
MƏSULİYYƏTSİZ (ID - 28927)sif. 1. Məsuliyyəti olmayan, cavabdehliyi olmayan.
2. Məsuliyyət hiss etməyən, öz hərəkətlərinə fıkir verməyən, cavabdehlik bilməyən. Məsuliyyətsiz adam. Məsuliyyətsiz cavab. |
MƏSULİYYƏTSİZCƏSİNƏ (ID - 28928)zərf Heç bir məsuliyyət hiss etməyərək, özünü məsul bilməyərək. Işə məsuliyyətsizcəsinə yanaşmaq.
|
MƏSULİYYƏTSİZLİK (ID - 28929)is. Məsuliyyətin olmadığı hal. [Şeyda:] Sınaq adlandırmaqla məsuliyyətsizliyin üstünü örtməkfikrinə düşməyin. B.Bayramov.
|
MƏSULLUQ (ID - 28930)b ax məsuliyyət. Divanəlik asarıdır, məsulluqdan azaddır. A.Səhhət.
|
MƏSUM (ID - 28931)sif. [ər.] Günahsız; heç bir günahı, qəbahəti olmayan. // “Yazıq, zavallı” mənasında. Məsum uşaqların naləsi, məzlum anaların fəryadı göylərə səda salmışdı. S.S.Axundov. Gözümün qarşısında mələk qədər məsum bir...
|
MƏSUMANƏ (ID - 28932)sif. [ər. məsum və fars. ...anə] Günahsız, heç bir günah və təqsiri olmayan; məsumcasına. Məsumanə baxış. Nə küskün bir nəzər, yarəb? Nə məsumanə bir surət! H.Cavid.
|
MƏSUMCASINA (ID - 28933)zərf Günahsızcasına, məsumanə, məsum-məsum. Məsumcasına baxmaq.
|
MƏSUMLUQ (ID - 28934)is. 1. Təmizlik, paklıq, saflıq. [Fuad:] Sən anla ki, bir ailənin səadəti ondakı qadının məsumluğundadır. C.Cabbarlı. [Fərmanın] üzünün ifadələrində bir uşaq sadəliyi və məsumluğu nəzərə çarpırdı. Ə.Sadıq.
2. Yazıqlıq,... |
MƏŞƏDİ (ID - 28935)is. [İranda Xorasan - Məşhəd şəhərinin adından] din. Keçmişdə Məşhədə gedib “müqəddəs” yerləri ziyarət edən adama verilən ad (çox vaxt adın qabağında gətirilərək deyilir). [Hambal:] Məşədi, deyəsən, qızın iki namizədi...
|
MƏŞƏQQƏT (ID - 28936)[ər.] 1. is. Əzab, əziyyət, sıxmtı, zəhmət, möhnət. Gözlərindən və üzündən [dərvişin] yuxu və məşəqqət görünürdü. A.Divanbəyoğlu. Qurtarmışdı qışın sərt məşəqqəti; Açırdı ürəyi yazın ləzzəti. H.K.Sanılı....
|
MƏŞƏQQƏTLİ (ID - 28937)sif. Çox ağır, çox zəhmətli, çox əzablı, əziyyətli, sərt. Əcnəbi müsafir Bakının məşəqqətli rüzgarına adət etmədiyindən, Məşədi Əsgərin ardınca ahəstə-ahəstə gedirdi. S.M.Qənizadə. Qışın soyuq, məşəqqətli bir...
|
MƏŞƏL (ID - 28938)is. [ər.] 1. Ətrafı işıqlandırmaq üçün ağac və s. başına sarınaraq, yaxud xüsusi bir alət içərisinə qoyularaq yandırılan yağlı (neftli) əsgi, cındır parçası, yaxud ağac başına keçirilmiş içində yanar maddə olan qab....
|
MƏŞƏLLƏNMƏK (ID - 28939)f. Parıldamaq, işıq vermək, işıqlanmaq, işıldamaq. [Dərvişin] gözləri məşəlləndi. A.Divanbəyoğlu.
|
MƏŞƏLLİ (ID - 28940)sif. Əlində məşəl olan, əlinə məşəl götürmüş. [Quldurbaşı] Uruz əli məşəlli iki keşikçi ilə qazmaya yönəldi. M.Rzaquluzadə.
|
MƏŞĞƏLƏ (ID - 28941)is. [ər.] 1.Bir şeyi bir yerə yığışaraq öyrənmə, öyrənməklə məşğul olma. Dərnəyin məşğələsi. - Rəsmiyyətə görə məşğələ hələ bir saat bundan qabaq bitmişdi. S.Rəhimov. Savad kursunun növbəti məşğələlərindən...
|
MƏŞĞUL (ID - 28942)is. [ər.] Bir iş görən, bir işdə çalışan, iş görməkdə olan, bir işlə başı qarışıq olan. Müdir məşğuldur, qəbul edə bilməz. Nənəxanım Yetərlə söhbətə məşğul idi. Çəmənzəminli. [Sona Ümidə:] Görünür, çox ciddi...
|
MƏŞĞULİYYƏT (ID - 28943)is. [ər.] 1. Bax məşğələ
-ci mənada. Məşğuliyyət bitdi. 2. Əyləncə, vaxt keçirmək üçün olan iş, oyun, əyləncə və s. Axşamlar hər məhəllənin qonşuları qum üstünə yığışıb məşğuliyyət üçün növbənöv oyun... |
MƏŞĞULİ-ZİMMƏ (ID - 28944)is. [ər.]: məşğulizimmə olmaq köhn. dan. - birinin pulunu və ya malını mənimsəməklə, yaxud biri haqqında düzgün olmayan fikir söyləməklə günaha batmaq, özünü onun qarşısında borclu hiss etmək. Mən bu barədə danışmasam...
|
MƏŞHUR (ID - 28945)sif [ər.] 1. Şöhrət qazanmış, adlı-sanlı, şöhrətli, tanınmış. Məşhur alim. Məşhur idmançı. - Divara bir neçə məşhur artistin portreti vurulmuşdu. İ.Əfəndiyev. Məşhur etmək - ad qazandırmaq, şöhrətləndirmək. Məşhur...
|
MƏŞHURLANMA (ID - 28946)“Məşhurlanmaq” dan f.is.
|
MƏŞHURLANMAQ (ID - 28947)baxməşhurlaşmaq.
|
MƏŞHURLAŞDIRILMA (ID - 28948)“Məşhurlaşdırılmaq” dan f.is.
|
Bu səhifə dəfə baxılıb
Ofis Proqramları üzrə kurslar
Tam məlumat...
Tibb bacısı kursu
Tam məlumat...
Tarix dərsləri
Tam məlumat...
......